លោក សេង គន្ធ អភិបាលនៃគណៈអភិបាលខណ្ឌមានជ័យ សូមថ្លែងអំណរគុណយ៉ាងជ្រាលជ្រៅចំពោះ លោក ជា យ៉ាម៉ន ចៅសង្កាត់រងទី១ សង្កាត់បឹងទំពន់ទី២ ដែលបានពាំនាំអំណោយរួមមាន អង្ករចំនួន ២ តោន និងថវិកាចំនួន ៤,០០០,០០០ រៀល តាមរយៈរដ្ឋបាលខណ្ឌមានជ័យ ដើម្បីបន្តឧបត្ថម្ភជូនដល់បងប្អូនភៀសសឹក និងបងប្អូនវីរជនកងទ័ពជួរមុខកម្ពុជា ដែលកំពុងឈរជើងការពារតាមបន្ទាត់ព្រំដែន។
សកម្មភាពដ៏មានន័យនេះ បានបង្ហាញពីទឹកចិត្តសប្បុរស និងការយកចិត្តទុកដាក់ចំពោះសង្គមជាតិ ជាពិសេសចំពោះបងប្អូនដែលកំពុងជួបប្រទះការលំបាក និងកងកម្លាំងដែលកំពុងបំពេញបេសកកម្មដ៏វិរៈភាព។
សូមជូនពរ លោក ជា យ៉ាម៉ន មានសុខភាពល្អ កម្លាំងកាយមាំមួន បញ្ញាច្បាស់លាស់ និងទទួលបានជោគជ័យគ្រប់ភារកិច្ចក្នុងការងារ ព្រមទាំងមានសុភមង្គល និងភាពរីកចម្រើនជានិច្ច។
នាព្រឹកថ្ងៃសុក្រ ២ កើត ខែចេត្រ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី ២០ ខែមីនា ឆ្នាំ ២០២៦។