ថ្ងៃពុធ៤កើត ខែជេស្ឋ ឆ្នាំមមីព.ស.២៥៧០
ត្រូវនិងថ្ងៃទី២០ ខែឧសភាឆ្នាំ២០២៦
............................
ខេត្តកំពង់ចាម÷ លោក យី ហ៊ុល បានដឹកនាំក្រុមការងារ កម្លាំងសាមគ្គីយុវជនភូមិក្សេរ ចុះពិនិត្យការចាក់សាបធ្វើផ្លូវនៅក្នុងសាលាបឋមសិក្សាឃុំក្សេរ ឃុំព្រែករំដេង ស្រុកស្រីសន្ធរ ខេត្តកំពង់ចាម។
ហ្នឹងបានទទួលអំណោយ ឧបត្ថម្ភដ៏ថ្លៃថ្លា ពីសម្ដេចព្រះពោធិវ័ង កក្តិតបណ្ឌិត ណយ ច្រឹក ព្រះសង្ឃនាយកទី១ នៃព្រះរាជាណាចក្រកម្ពុជា ដែលបានប្រទានថវិកាចំនួន ៣០០ ដុល្លារ 🙏
សម្រាប់ទ្រទ្រង់ការងារសាងសង់។
ព្រះអង្គតែងតែយកព្រះទ័យទុកដាក់ និងជួយទំនុកបម្រុងរាល់សកម្មភាពការងារនានានៅក្នុងស្រុកភូមិ ដើម្បីជាប្រយោជន៍ដល់ប្រជាពលរដ្ឋ និងយុវជនជំនាន់ក្រោយ។
សម្ដេចបានផ្ញើតាមរយៈ លោកអភិបាលស្រុកស្រីសន្ធរ ប៊ិន ឡាដា ប្រគល់ជូនដល់កម្លាំងសាមគ្គីយុវជនភូមិក្សេរ ដើម្បីបន្តការងារកសាងផ្លូវនេះឱ្យបានរលូន និងជោគជ័យ។
សូមគោរពបួងសួង និងជូនពរសម្ដេច ឱ្យមានព្រះសុខភាពល្អបរិបូណ៌ ព្រះជន្មាយុយឺនយូរ គង់ជាម្លប់ដ៏ត្រជាក់ត្រជុំ ដល់កូនចៅប្រជាពលរដ្ឋ និងបន្តជួយអភិវឌ្ឍន៍ស្រុកភូមិ ឱ្យកាន់តែរីកចម្រើនតទៅ 🙏🙏🙏
