ខ្ញុំបាទ យ៉េង សុធា ចាងហ្វាង ST TV Online24H និងភរិយាឈ្មោះ ជា បូរ៉ាសូមថ្លែងអំណរគុណយ៉ាងជ្រាលជ្រៅ និងដោយស្មោះអស់ពីដួងចិត្ត ចំពោះ ឯកឧត្តម រ៉ុម ផានិត សមាជិកក្រុមការងារចលនាកសាងសមាជិកមូលដ្ឋានខេត្តកណ្តាល និងជាប្រធានទទួលបន្ទុកបីស្រុក ១.ស្រុកខ្សាច់កណ្ដាល ២.ស្រុកអរិយក្សត្រ ៣.ស្រុកល្វាឯម ដែលបានសម្ដែងនូវទឹកចិត្តមេត្តា និងការយកចិត្តទុកដាក់ ដោយបានឧបត្ថម្ភថវិកាចំនួន ២០ម៉ឺន (២០០០០០) រៀល ដើម្បីជួយសម្រាលការលំបាកដល់គ្រួសារខ្ញុំ ខណៈដែលម្តាយរបស់ខ្ញុំកំពុងសម្រាកព្យាបាលជំងឺនៅមន្ទីរពេទ្យ។
អំពើដ៏ថ្លៃថ្លានេះ មិនត្រឹមតែជាការឧបត្ថម្ភផ្នែកថវិកាប៉ុណ្ណោះទេ ប៉ុន្តែថែមទាំងជាកម្លាំងចិត្តដ៏ធំធេង ដែលបានផ្តល់ក្តីសង្ឃឹម ភាពកក់ក្តៅ និងទំនុកចិត្តដល់គ្រួសារខ្ញុំ ក្នុងគ្រាដែលកំពុងជួបការលំបាក។ ទឹកចិត្តសប្បុរស ការយកចិត្តទុកដាក់ និងភាពជាអ្នកដឹកនាំប្រកបដោយមនុស្សធម៌របស់ ឯកឧត្តម គឺជាគំរូដ៏ល្អប្រពៃ និងជាទីគោរពស្រឡាញ់របស់មន្ត្រីក្រោមឱវាទ និងប្រជាពលរដ្ឋ។
ក្នុងឱកាសនេះ ខ្ញុំបាទ និងក្រុមគ្រួសារ សូមគោរពជូនពរ ឯកឧត្តម រ៉ុម ផានិត និងលោកជំទាវ ព្រមទាំងក្រុមគ្រួសារ សូមប្រកបដោយសុខភាពល្អបរិបូរណ៍ កម្លាំងមាំមួន សុភមង្គល វិបុលសុខ និងសេចក្តីចម្រើនគ្រប់ប្រការ។ សូមទទួលបានជោគជ័យគ្រប់ភារកិច្ច និងបន្តដឹកនាំអង្គភាពឱ្យសម្រេចបានសមិទ្ធផលថ្មីៗ ជាប្រយោជន៍ដល់ជាតិ មាតុភូមិ និងប្រជាពលរដ្ឋជានិច្ច។
សូមគោរពថ្លែងអំណរគុណដោយក្តីគោរព និងដឹងគុណយ៉ាងជ្រាលជ្រៅ។
