លោក ជា សានិត ប្រធានមន្ទីរសុខាភិបាលខេត្តរតនគិរី អញ្ជើញចូលរួមកិច្ចប្រជុំលើកទី៤ នៃគណៈកម្មាធិការត្រួតពិនិត្យផលិតផលថ្នាំជក់។
ថ្ងៃពុធ ២រោច ខែអស្សុជ ឆ្នាំមមី អដ្ឋស័ក ពុទ្ធស័ករាជ ២៥៧០ ត្រូវនឹងថ្ងៃទី២៨ ខែតុលា ឆ្នាំ២០២៦ លោក ជា សានិត ប្រធានមន្ទីរសុខាភិបាលនៃរដ្ឋបាលខេត្តរតនគិរី បានអញ្ជើញចូលរួមក្នុងកិច្ចប្រជុំលើកទី៤ នៃគណៈកម្មាធិការត្រួតពិនិត្យផលិតផលថ្នាំជក់ ដែលប្រារព្ធធ្វើឡើងក្រោមអធិបតីភាពដ៏ខ្ពង់ខ្ពស់របស់ ឯកឧត្តមសាស្រ្តាចារ្យ ឈាង រ៉ា រដ្ឋមន្រ្តីក្រសួងសុខាភិបាល។
កិច្ចប្រជុំដ៏មានសារៈសំខាន់នេះ មានការអញ្ជើញចូលរួមពីសំណាក់ថ្នាក់ដឹកនាំសំខាន់ៗជាលក្ខណ:អន្តរវិស័យគឺដើម្បីពិនិត្យឡើងវិញនូវវឌ្ឍនភាពការងារ និងកិច្ចអន្តរាគមន៍នានា ក្នុងការទប់ស្កាត់ និងត្រួតពិនិត្យផលិតផលថ្នាំជក់ក្នុងព្រះរាជាណាចក្រកម្ពុជា ក៏ដូចជាការដាក់ចេញនូវទិសដៅការងារបន្ត ដើម្បីការពារសុខភាពសាធារណៈ និងកាត់បន្ថយផលប៉ះពាល់អវិជ្ជមានបណ្តាលមកពីការប្រើប្រាស់ថ្នាំជក់៕



