អបអរសាទរបុណ្យចូលឆ្នាំថ្មី ប្រពៃណីជាតិខ្មែរ 🇰🇭🎉
ក្នុងឱកាសដ៏មហោឡារិក និងពោរពេញដោយសិរីសួស្ដី នៃពិធីបុណ្យចូលឆ្នាំថ្មី ប្រពៃណីជាតិខ្មែរ ដែលជាពិធីបុណ្យប្រកបដោយអត្ថន័យដ៏ថ្លៃថ្លា បង្ហាញអំពីវប្បធម៌ ប្រពៃណី និងអត្តសញ្ញាណជាតិខ្មែរយើងដ៏រុងរឿង ក្រុមការងារ បានអញ្ជើញចូលជួបសម្ដែងការគួរសម និងគោរពជូនពរ ឯកឧត្តម សុខ ចាន់ភក្តី រដ្ឋលេខាធិការក្រសួងព័ត៌មាន ដោយនាំយកនូវសិរីសួស្ដី ជ័យមង្គល និងពរជ័យដ៏ប្រសើរ ជូនក្នុងឱកាសឆ្នាំថ្មី ដែលកំពុងឈានចូលមកដល់នាពេលខាងមុខនេះ។
សូមឯកឧត្តម ទទួលបាននូវសេចក្តីសុខ សេចក្តីចម្រើន មានសុខភាពល្អបរិបូរណ៍ កម្លាំងមាំមួន ប្រាជ្ញាឈ្លាសវៃ និងសមត្ថភាពខ្ពស់ក្នុងការដឹកនាំបំពេញភារកិច្ចការងារទាំងឡាយឱ្យបានរលូន និងជោគជ័យតាមគោលបំណង។ សូមជីវិតគ្រួសារពោរពេញដោយសុភមង្គល សេចក្តីស្រឡាញ់ និងភាពកក់ក្តៅ ព្រមទាំងទទួលបាននូវភាពរុងរឿង កិត្តិយស និងវឌ្ឍនភាពជានិច្ចនិរន្តរ៍។
សូមអនុគ្រោះទទួលយកនូវសេចក្តីគោរព និងពរជ័យដ៏ស្មោះស្ម័គ្រពីក្រុមការងារ ក្នុងឱកាសដ៏វិសេសវិសាលនេះ ដោយសូមឲ្យឆ្នាំថ្មីនាំមកនូវសិរីមង្គល សុភមង្គល និងជោគជ័យគ្រប់ប្រការ។
