លោកបណ្ឌិត ឌីម សុខុន និងព្រះសង្ឃ រួមនឹងសប្បុរសជន បាននិមន្តនិងអញ្ជើញចុះសួរសុខទុក្ខនិងនាំយកអំណោយចែកជូនដល់វីរៈកងទ័ពដ៏ក្លាហាននៅជួរមុខប្រាសាទព្រះវិហារ...
(ព្រះវិហារ) លោកបណ្ឌិត ឌីម សុខុន អគ្គលេខាធិការសមាគមសម្ព័ន្ធយុវជនដើម្បីសន្តិភាព តំណាងដ៏ខ្ពង់ខ្ពស់ឯកឧត្តមបណ្ឌិត សុខ ចាន់ភក្តី ប្រធានសមាគម នឹងព្រះសង្ឃ លោកតា លោកយាយ រួមនឹងសប្បុរសជនបាននិមន្តនិងអញ្ជើញចុះសួរសុខទុក្ខនិងនាំយកអំណោយជាសម្ភារៈ និងគ្រឿងឧបភោគបរិភោគ ដែលបានមកពីប្បុរសជននានាយកមកចែកជូនដល់វីរៈកងទ័ពដ៏អង់អាចក្លាហានមោះមុតនៅជួរមុខប្រាសាទព្រះវិហារ ។ពិធីនេះបានធ្វើឡើងនៅតំបន់ប្រតិបត្តិការសឹករងស្រុកគូលេន នាថ្ងៃទី៧ ខែសីហា ឆ្នាំ២០២៥ ដោយមានការចូលរួមពីលោកអភិបាលស្រុក កងកម្លាំងប្រដាប់អាវុធ និងអាជ្ញាធរមូលដ្ឋានផងដែរ ។
នាឱកាសនោះដែរលោកបណ្ឌិត ឌីម សុខុន អគ្គលេខាធិការសមាគម បានមានប្រសាសន៍ ផ្តាំផ្ញើសាកសួរសុំទុកពីសំណាក់ឯកឧត្តមបណ្ឌិត សុខ ចាន់ភក្តី ប្រធានសមាគមសម្ព័ន្ធយុវជនដើម្បីសន្តិភាព
ចំពោះវីរភាពដ៏អង់អាចក្លាហានរបស់កងទ័ពជួរមុខដែលកំពុងការពារបូរណភាពទឹកដីប្រឆាំងការឈ្លានពានពីសំណាក់ចោឈ្លានពានសៀម។ទោះបីជាអំណោយដែលប្រគល់ជូននាពេលនេះតិចតួចមិនគ្រប់តាមតម្រូវការក៏ពិតមែន តែជាទឹកចិត្តចូលរួមដើម្បីផ្ដល់នូវកម្លាំងចិត្តដល់កងទ័ពដ៏អង់អាចក្លាហានរបស់យើង ដើម្បីផ្សារភ្ជាប់សមរភូមិមុខនិងសមរភូមិក្រោយ។
អំណោយដែលត្រូវចែកជនរួមមាន: អង្ក , ត្រីខ , ទឹកស៊ីអ៉ី , ទឹកត្រី ,ប្រេងឆា ,មីខ្លាឃ្មុំ , ប៊ីចេង,ស្ក ,អំបិល ,ទឹកបរិសុទ្ធ ,ភេសជ្ជៈ ,ត្រីប្រឡាក់ ,ផ្អកត្រសក់ ,ប្រហុក ,កន្សែង មុងភួយ ជាដើម ។ក្នុងនោះលោកអភិបាលស្រុកនិងកងកម្លាំងជួរមុខបានថ្លែងអំណរអរគុណយ៉ាងជ្រាលជ្រៅចំពោះថ្នាក់ដឹកនាំសមាគមក៏ដូចជាសប្បុរសជននានា ដែលបានលះបង់ពេលវេលាដ៏មានតម្លៃ និងចំណាយថវិកាផ្ទាល់ខ្លួនទិញជាសម្ភារៈនិងគ្រឿងឧបភោគបរិភោគមកចែកជូនដល់វីរៈកងទ័ពដ៏ក្លាហាននៅជួរមុខ ដែលកំពុងឈរជើងតតាំងគ្នាជាមួយនឹងចោឈ្លានពានសៀម ដែលតែងរំលោភមកលើអធិបតេយ្យភាពរបស់កម្ពុជាដោយឥតអៀនខ្មាស់។បន្ទាប់ពីនេះលោកបណ្ឌិត ឌីម សុខុន និងព្រះសង្ឃ រួមនិងសប្បុរសជន បានបន្តចុះសួរសុខទុក និងនាំយកអំណោយជាកញ្ចប់ឃីតនិងទឹកបរិសុទ្ធ ទៅចែកជូនដល់ប្រជាពលរដ្ឋដែលជាជនភាសឹក នៅវត្តពោធិ៍ ៥០០០ ស្ថិតក្នុងស្រុកគូលែន ខេត្តព្រះវិហារ ថែមទៀតផងដែរ ៕
