ព្រឹកថ្ងៃចន្ទ ៣រោច ខែមិគសិរ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី៨ ខែធ្នូ ឆ្នាំ២០២៥
ឯកឧត្តម សុខ ចាន់ភក្តី រដ្ឋលេខាធិការក្រសួងព័ត៌មាន
និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុកចិត្របុរី តំណាងដ៏ខ្ពង់ខ្ពស់ ឯកឧត្តម នេត្រ ភក្រ្តា រដ្ឋមន្ត្រីក្រសួងព័ត៌មាន និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តក្រចេះ អញ្ជើញជាអធិបតីភាពក្នុងវេទិកាសាធារណ: ដើម្បីត្រួតពិនិត្យ និងគាំទ្រការអនុវត្តកម្មវិធីនយោបាយ និងយុទ្ធសាស្រ្តបញ្ចកោណដំណាក់កាលទី១ របស់រាជរដ្ឋាភិបាលកម្ពុជា ក្នុងបរិវេណវត្តថ្មគ្រែ ភូមិថ្មគ្រែកណ្តាល ឃុំថ្មគ្រែ ស្រុកចិត្របុរី ដើម្បីចុះជួបជាមួយប្រជាពលរដ្ឋ ដោះស្រាយបញ្ហាប្រឈម ក្តីទុក្ខកង្វល់ផ្សេងៗដែលបងប្អូនប្រជាពលរដ្ឋត្រូវបានស្នើសុំឱ្យអាជ្ញាធរជួយដោះស្រាយ ស្របតាមគោលការណ៍រាជរដ្ឋាភិបាល។
ក្នុងវេទិកា បានអញ្ជើញចូលរួមពី សមាជិកក្រុមការងាររាជរដ្ឋាភិបាល ថ្នាក់ដឹកនាំស្រុក លោក លោកស្រីប្រធាន អនុប្រធានមន្ទីរ អង្គភាពជុំវិញខេត្ត កម្លាំងប្រដាប់អាវុធ៣ប្រភេទ ក្រុមប្រឹក្សាឃុំ លោកគ្រូ អ្នកគ្រូ និងប្រជាពលរដ្ឋ សរុប២៧៧នាក់(ស្រី១៤៧នាក់) ទទួលបានសំណូមពរ សរុប ៧ករណី បានដោះស្រាយ ៥ករណី កំពុងដោះស្រាយ ២ករណី មិនទាន់ដោះស្រាយ ០ករណី។ បន្ទាប់ពី ចប់វេទិកាសាធារណៈ លោកអភិបាលស្រុក បានអមដំណើរ ជាមួយឯកឧត្តម សុខ ចាន់ភក្តី បន្តទៅសួរសុខទុក្ខប្រជាពលរដ្ឋចំនួន៤គ្រួសារ និងនាំអំណោយដ៏ថ្លៃថ្លារបស់ឯកឧត្តមរដ្ឋមន្ត្រីក្រសួងព័ត៌មាននូវរទេះរុញចំនួន៤ ភេសជ្ជៈគ្រឿងឧបភោគបរិភោគមួយចំនួនផងដែរ និងបានបន្តចុះពិនិត្យមើលមន្ទីរគណបក្សឃុំថ្មគ្រែដែលទើបនឹងសាងសង់រួចថ្មីផងដែរ។
រូបថត: ក្រុមលេខាធិការដ្ឋានស្រុកចិត្របុរី។
