រសៀលថ្ងៃអាទិត្យទី៤ ខែមករា ឆ្នាំ២០២៦ នេះ ឯកឧត្តម សុខ ចាន់ភក្តី អនុប្រធានក្រុមការងាររាជរដ្ឋាភិបាលចុះមូលដ្ឋានខេត្តក្រចេះ តំណាងឯកឧត្តម នេត្រ ភត្ត្រា រដ្ឋមន្ត្រីក្រសួងព័ត៌មាន ប្រធានក្រុមការងាររាជរដ្ឋាភិបាលចុះមូលដ្ឋានខេត្តក្រចេះ រួមជាមួយរដ្ឋបាលស្រុកចិត្របុរី បាននាំយកអំណោយដ៏ថ្លថ្លារបស់ ឯកឧត្តម នេត្រ ភត្ត្រា រដ្ឋមន្ត្រីក្រសួងព័ត៌មាន
ទៅចែកជូន និងសួរសុខទុក្ខដោយផ្ទាល់ដល់គ្រួសារភៀសសឹកពីសង្គ្រាមកម្ពុជា-ថៃ ដែលត្រឡប់មកាន់ផ្ទះសម្បែង ស្រុកកំណើតវិញចំនួន២ឃុំ ២ទីតាំងផ្សេងគ្នា គឺទី១នៅសាលាឃុំបុសលាវមានចំនួន២៤គ្រួសារ ស្មើ៧៥នាក់ និងទី២ឃុំគោលាប់មានចំនួន៨គ្រួសារ ស្មើ២៧នាក់ ក្នុងស្រុកចិត្របុរី ខេត្តក្រចេះ និងបានណែនាំបែងចែកក្រុមការងារចុះមូលដ្ឋានតាមឃុំចំនួន០៨ឃុំផ្សេងទៀត អោយសហការជាមួយរដ្ឋបាលឃុំ បន្តនាំយកជំនួយជាសម្ភារ និងថវិកា របស់ឯកឧត្តម នេត្រ ភត្រ្តា រដ្ឋមន្ត្រីក្រសួងព័ត៌មាន ទៅចែកជូននិងសួរសុខទុក្ខដល់បងប្អូនប្រជាពលរដ្ឋភៀសសឹកទូទាំងឃុំក្នុងស្រុកចិត្របុរីសរុប ដែលរួមមានចំនួន១០០គ្រួសារ ស្មើ២៩១នាក់ ដោយមូលហេតុឃុំទាំង១០ក្នុងស្រុកចិត្របុរី ឋិតក្នុងភូមិសាស្ត្ររបាត់របាយឆ្ងាយពីគ្នា អាចលំបាកដល់បងប្អូនប្រជាពលរដ្ឋធ្វើដំណើរមកជួបជុំនៅសាលាស្រុកតែ១កន្លែង ឬ១កម្មវិធី។
