លោកអភិបាលខណ្ឌមានជ័យ លោក សេង គន្ធ នៅតែបន្តចុះអនុវត្តការងារយ៉ាងសកម្មជារៀងរាល់ថ្ងៃនៅក្នុងមូលដ្ឋានខណ្ឌមានជ័យ ដើម្បីធានាឲ្យមានសន្តិសុខ សណ្ដាប់ធ្នាប់ និងការគ្រប់គ្រងល្អនៅក្នុងមូលដ្ឋាន...
ការចុះបំពេញភារកិច្ចជាបន្តបន្ទាប់នេះ បង្ហាញពីការយកចិត្តទុកដាក់យ៉ាងខ្លាំងរបស់លោកអភិបាលខណ្ឌ ចំពោះសុខសុវត្ថិភាព និងសុខមាលភាពរបស់ប្រជាពលរដ្ឋនៅក្នុងមូលដ្ឋាន។
ការងារដែលត្រូវបានអនុវត្តជាប្រចាំនេះ ក៏ជាការបញ្ជាក់ពីការខិតខំប្រឹងប្រែងរបស់អាជ្ញាធរខណ្ឌ ក្នុងការធានាឲ្យមូលដ្ឋានមានសុខសន្តិភាព សណ្ដាប់ធ្នាប់ល្អ និងបង្កើនភាពជឿជាក់របស់ប្រជាពលរដ្ឋចំពោះការគ្រប់គ្រងរដ្ឋបាលមូលដ្ឋាន។
ក្នុងឱកាសជាមួយគ្នានេះដែរ ឯកឧត្តម អ៊ីមរ៉ន ហាស្សាន់ និងលោកជំទាវ តិមា វិច្ឆិកាល អភិបាលរងរាជធានីភ្នំពេញ បានអញ្ជើញចុះមកដល់មូលដ្ឋានខណ្ឌមានជ័យ ដើម្បីបន្តផ្សព្វផ្សាយអនុក្រឹត្យលេខ ០៣ អនក្រ.បក ព្រមទាំងពិនិត្យ និងពង្រឹងការគ្រប់គ្រងជនបរទេសនៅក្នុងមូលដ្ឋាន។
ក្នុងសកម្មភាពនេះ លោកអភិបាលខណ្ឌមានជ័យ លោក សេង គន្ធ ក៏បានដឹកនាំក្រុមការងារ និងចូលរួមសហការជាមួយឯកឧត្តមអភិបាលរងរាជធានីភ្នំពេញ ក្នុងការចុះអនុវត្តការងារយ៉ាងសកម្មជារៀងរាល់ថ្ងៃនៅក្នុងមូលដ្ឋានខណ្ឌមានជ័យ រហូតដល់បញ្ចប់ភារកិច្ចការងារដោយជោគជ័យ។
ថ្ងៃព្រហស្បតិ៍ ៩រោច ខែផល្គុន ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១២ ខែមីនា ឆ្នាំ២០២៦នេះ
